5/2023 #純粹獨遊 ：山中湖 🚤

IG: hikingice 睇完清晨既富士山，我番宿訓左一陣就起身展開河口湖周邊一日遊。首先因為塞車遲左到河口湖，就只好去Lawson買個重carb飯盒旁身。我既旅行模式係想行就行，想食就食，想坐就坐，不過現實往往係想睇多啲野，所以基本上只要唔係搭緊車就係移動緊。亦因為咁，隨身攜帶食物非常重要。 - 搭左好一陣車之後，我到左冇人既山中湖。如果我有多啲時間又克服到心理關口，我應該會圍住山中湖踩單車。但由於要用盡張pass，最後都係喺湖邊行左陣就坐低食野，食完野搭車去忍野八海。等車時間即自拍時間，總之每一分每一秒都必定有野做緊。 其實我同一日仲去左住宅區內既業務、路過下吉田啲景點、新倉山淺間公園同冒住雨嘗試挑戰河口淺間神社（失敗）。我每去一站/每次加站都係全即興，唔經唔覺就喺無壓力下去左好多地方。唯一既緊張係間宿喺河口湖入面，出入要靠觀光車，所以必須趕上好早收既尾班車。 - 果晚，我喺宿飲住酒，好認真咁研究箱根要點玩。我醉住落左宿既遊戲室做plank，做做下有啲英國人入左黎，跟住我地一齊打Nintendo 64版Mario Kart，仲聽佢地分享左好多三星期/半年旅行趣事。 即使只得短短既相聚時間，大家既文化、背景同語言都好唔同，但大概，除左音樂，旅行交流都係個universal language。奈何諷刺既係，今時今日，除非喺宿，都幾難展開一段咁純粹既對話。 其中一位英國人話佢聽日會喺河口湖周邊玩，不過落雨，所以可能要攻下啲博物館。佢後悔冇及時影低富士美景，一心諗住聽日先啦⋯ 所以正如上一篇遊記講到，有啲野真係「once in a lifetime」 要好好把握每個機會 💛 - 寫於 20230612 攝於 20230522 - #hikingice #純粹獨遊 #純粹獨遊東京 #日本 #東京 #獨遊 #獨遊記 #純粹之旅 #富士山 #河口湖 #山中湖 #japan #tokyo #solotravel #discoverjapan #discovertokyo #fujisan #mountfuji #lakeyamanaka #日本靚景